நீங்கள் தேடியது "வேன் உரிமையாளர்"

ராஜபாளையம்:

ராஜபாளையம் சங்கர பாண்டியபுரம் செல்வ விநாயகர் கோவில் தெரு வைச் சேர்ந்தவர் விஜயேந்திரன் (வயது 28). சரக்கு ஆட்டோ உரிமையாளர். இவரிடம் டிரைவராக வேலை பார்ப்பவர் ஸ்ரீவில்லிபுத்தூர் படிக்காசு வைத்தான்பட்டி பகுதியைச் சேர்ந்த சங்கிலிபாண்டி (25).

இவர்கள் 2 பேரும் பேசிக் கொண்டிருந்த போது மணிகண்டன் (30), தங்கப்பாண்டியன் (35), குமரேசன், முத்துக்குமார் ஆகியோர் வந்து வாக்குவாதம் செய்து இரும்புக் கம்பியால் தாக்கினர். இதில் விஜயேந்திரன் மண்டை உடைந்தது.

தாக்குதல் சம்பவம் தொடர்பாக ராஜபாளையம் தெற்கு போலீஸ் சப்-இன்ஸ்பெக்டர் அருண்குமார் வழக்குப்பதிவு செய்து விசாரணை நடத்தினார். இதில் தொழில் போட்டியில் தாக்குதல் நடத்தியது தெரிய வந்தது.

காயமடைந்த விஜயேந்திரன் மற்றும் சங்கிலிபாண்டி சிகிச்சைக்காக ராஜபாளையம் அரசு ஆஸ்பத்திரியில் அனுமதிக்கப்பட்டனர். மேல் சிகிச்சைக்காக பாளையங்கோட்டை அரசு ஆஸ்பத்திரியில் சேர்க்கப்பட்டனர்.